Loaloa vinnur á mörkum fjölmiðlatækni, gervigreindar, skýjainnviða og stafrænnar eignastýringar. Slík vara verður ekki til á einni nóttu. Hún krefst djúprar þekkingar á því hvernig efni er framleitt, geymt, leitað, birt og dreift í raunverulegum rekstri.
Styrkur fyrir vandamál sem skiptir máli
Sprotastyrkurinn styður Loaloa í að byggja lausn fyrir vandamál sem sífellt fleiri fyrirtæki og stofnanir þekkja: stór efnissöfn sem eru til, en nýtast ekki nógu vel. Með Loaloa verður hægt að safna efni saman og virkja það í birtingu og miðlun. Kjarnaeiginleikar kerfisins í umsókninni voru:
Miðstöð fyrir stafrænt efni: Loaloa er öflugt hugbúnaðarkerfi hannað til að halda utan um, hýsa og skipuleggja stór söfn af myndböndum og hljóðskrám.
Sjálfvirkni og dreifing: Kerfið einfaldar alla útgáfu með því að bjóða upp á sjálfvirka transkóðun, beinar útsendingar og sjálfvirka dreifingu á helstu samfélagsmiðla, myndbanda- og hlaðvarpsveitur líkt og YouTube og Spotify.
Sérsniðnar lausnir fyrir viðskiptavini: Með Loaloa geta notendur fengið sérsniðna spilara og heildstæðar vefsíður fyrir efnið sitt sem auðvelt er að fella inn í eigin vefi.
Grunnur að frekari vexti: Kerfið ræður auðveldlega við gríðarlegt magn gagna og býður upp á verkfæri til klippingar og leitarvélabestunar, sem hefur skapað sterkan grunn fyrir þá tækniþróun sem átt hefur sér stað síðan verkefnið hlaut styrkinn.